村夫阿土的部落格

彼條「思慕情歌」同款是在耳邊響起，明知這條「情歌唱末煞」，明知「愛你心酸酸」，但是「人生」就是安呢，哪無「世間人」的「世間情」要安那「交代」？

妳親像結著「粉紅色腰帶」的「女神龍」，但不是「飄浪之女」般的「苦海女神龍」。你這個「可愛的姑娘」不知登時才會變作阮「可愛的新娘」？因為「你是阮的溫泉」，你是阮「尚愛的人」，是阮「今生最愛的人」。

若講「感情線」是虛，那世間月老弄什麼？甘講「初戀」就注定沒結果？就注定是一條「悲情的戀歌」？甘講「初戀的少女」甲「春風少年兄」，就注定是「胭脂夢」而已？

是否還記得你我「情定小琉球」？在「雲中月圓」的暗暝，阮「甲你攬牢牢」，對著「六月茉莉」，講出「情深深」的「山盟海誓」，我講「無你我抹活」，你嘛有講「無你我無嫁」，但是這攏嘛像「水中煙」般，這種的「綿綿戀愛夢」，到尾煞來「夢醒攏是空」。

「月娘啊聽我講」，甘講「世間事」就是安呢？這「一切甘是天意」？彼段「舊情」，甘是「流浪的感情」？「秋雨彼一暝」在「難忘的溫泉鄉」，阮「牽著你的手」，隨在「無情風無情雨」淋，就是想要淋醒這段「純情青春夢」。

明知「愛你這呢深」也只不過是一場「愛情相思夢」，明知失戀這艱苦，煞偏偏走入失戀路，惦在開滿「山棧花」的「失戀亭」中，捧著「悲戀的酒杯」，同款是「為你夢為你等」。那首「舊情也綿綿」的「斷腸詩」，甘是要咱「舊情甭提起」？

雖然講「回頭攏是夢」，但是「夢中的你」呢？「夢中的夢」呢，看到「夢中人」也流落「無情淚」，只有祝福你「心愛的甭哭」。這種「夢中的探戈」本就是「變調的探戈」，就當作是一場「紅塵夢」，又擱何必問「為何命如此」？這種「情難忘愛難忘」，是「時也命也運也」，甘就要做「男性的復仇」抑是進行「女性的復仇」？

「多情人多情夢」中，「男人的汗」是因為有著「唱不完的情歌」，「黃昏的馬車」上坐的是我「無緣的新娘」。本想要成個「家」，娶你作「牽手」，也就是講你作我的「家後」。但是誰人知，一場「三更雨」竟然來破壞你我的「七夕情」，將咱「情難忘」的「溪頭之戀」，化作「春宵夢」。

彼一工，為著「離別的酒」，我連「辦桌」的代誌也處理好。想說「紅酒」是希望再「相逢」，人講「紅紅的酒」是「相逢的酒」，但是偏偏變作「單戀酒」，我「酒後人生」竟然是「情海茫茫」的「茫茫相思夢」。我不是「醉彌勒」，我變作亂講「燒酒話」擱「衝衝衝」的「醉英雄」。

一陣「炮仔聲」，驚醒我這個「樹枝孤鳥」般的「飄浪的人」，原來「酒膽」攏係假，我「問花」，敢有聽到「五更鼓」聲？因為我聽到「落雨聲」，我的「感情線」就捲不緊，就會不覺流落「傷心淚」。我會「思鄉」，我這個「可憐燒酒仙」，有時也是會「思念故鄉的情人」，我也是一個「想厝的人」。

    「風中的玫瑰」你甘知阮「疼你若生命」，疼你這蕊「純情紅玫瑰」。就算你是「野花」，阮也會甲你「博感情」，不管你「野草亦是花」。只要「紅花青葉」猶原在，阮永遠「深深愛著你」，這是「酒後吐真言」也好，是「酒後的心聲」也罷，總講一句我不是「漂撇七逃人」。

阮是「情場憨子」，阮「只愛你一個」。阮流連「夜總會」，阮「來去台東」，去找尋「意難忘」的「憂愁的玫瑰」抑是「憂愁的牡丹」。就算給人講「閒仔話」阮也不管，阮要知「港都夜曲」奏的是哪一條「悲情探戈」？阮要了解「港都夜雨」為何竟然是「異鄉夜雨」？阮為何一直會「夜雨思情」？

若說作「愛奴」？阮「甘願」！但是叫我「不想你」，作一個「快樂炭礦夫」，作一個「快樂燒酒仙」，這點阮作不到，因為阮是「天涯找愛人」的「好男兒」。彼工在「痴情的海邊」拄著戴一頂「草笠仔傾傾」的「黑輪伯仔」，伊也勸我「放你自由飛」，但是…。

一句「請你保重」，一句「心愛再會啦」，我要「為愛活落去」，我要「堅強」，從此以後「甭講傷心話」，給這條「失戀的探戈」變作「多情的城市」中最後的「愛情探戈」。