村夫阿土的部落格

「難忘也是你」

彼工，無意中來到「難忘的朴子橋」，竟然會置橋頂拄著你，阮不是甲你約好要來「港邊送別」，亦不是「眠夢」，是因為阮飲了「離別的苦酒」，也就是彼杯苦苦的「淚酒」後，才想要來橋頂，唱一首「傷心的歌」。

為著「唱一首故鄉的月」，阮就要來搧東風，是那麼「風過風抹停」，是那麼『風悽悽意綿綿』。這種「一陣風雨一段情」的感受，就親像「心碎」的「酒中情」般，敢說真正是「命運不是咱決定」呢？

若講這是「委屈的愛」，那當阮接到「故鄉一封信」的時陣，阮的心肝像針威，應該是「過頭思念」才是。雖然講「戀愛的路多麼甜」，但這亦是往事了，彼種「七夕情」的心情，想要「往事放抹記」亦做抹到。

「因為我不甘」這句，就是上好的解說，但是這「一切攏是命」，才會給我親像「走馬灯」般團團轉。你敢知影「愛你的憨人」，會置「情人湖」的涼亭子腳「避雨」，避這陣「西北雨」。

若講你是「なみだ草」，阮就是「毛毛雨」，給你享受「風醉雨也醉」的滋味，因為「我己經愛著你」。每一遍收到「故鄉限時批」，阮就不會「為你心碎心痛心悶啦」，這不是「失戀的藥方」，這是「真情真愛」啦。

置「異鄉的火車頭」，一人飲著「孤單酒」，亦就是阮「用心肝飲的酒」啦。雖講「無緣做你去」，但講罔講，還是會「情淚滴溼阮的心」。

麥講「你傷我太深」，麥講「是你傷我的心」，麥講「當作不曾愛過你」，請你「相信我一擺」，請你「不通乎我等乎我望」，因為阮「難忘也是你」，會「心悶」？是「生死戀」？真正「你想我否」？「驚什麼」？

* 這是篇以台語歌神詹雅雯小姐的台語經典歌曲歌名串成的文章，請您以台語來欣賞它。