村夫阿土的部落格

「落雨聲」

彼一工，為著「離別的酒」，我連「辦桌」的代誌也處理好。想說「紅酒」是希望再「相逢」，人講「紅紅的酒」是「相逢的酒」，但是偏偏變作「單戀酒」，我「酒後人生」竟然是「情海茫茫」的「茫茫相思夢」。我不是「醉彌勒」，我變作亂講「燒酒話」擱「衝衝衝」的「醉英雄」。

一陣「炮仔聲」，驚醒我這個「樹枝孤鳥」般的「飄浪的人」，原來「酒膽」攏係假，我「問花」，敢有聽到「五更鼓」聲？因為我聽到「落雨聲」，我的「感情線」就捲不緊，就會不覺流落「傷心淚」。我會「思鄉」，我這個「可憐燒酒仙」，有時也是會「思念故鄉的情人」，我也是一個「想厝的人」，你甘會了解阮「想厝的心情」？

   「風中的玫瑰」你甘知阮「疼你若生命」，疼你這蕊「純情紅玫瑰」。就算你是「玉蘭花」，阮也會甲你「博感情」，不管你「野草亦是花」。只要「紅花青葉」猶原在，阮永遠「深深愛著你」，這是「酒後吐真言」也好，是「酒後的心聲」也罷，總講一句我不是「漂撇七逃人」。

阮是「情場憨子」，阮「只愛你一個」。阮流連「夜總會」，阮「來去台東」，去找尋「意難忘」的「憂愁的玫瑰」抑是「憂愁的牡丹」。就算給人講「閒仔話」阮也不管，阮要知「港都夜曲」奏的是哪一條「悲情探戈」？阮要了解「港都夜雨」為何竟然是「異鄉夜雨」？阮為何一直會「夜雨思情」？

若說作「愛奴」？阮「甘願」！但是叫我「不想你」，作一個「快樂炭礦夫」，作一個「快樂燒酒仙」，這點阮作不到，因為阮是「天涯找愛人」的「好男兒」。彼工在「痴情的海邊」拄著戴一頂「草笠仔傾傾」的「黑輪伯仔」，伊也勸我「放你自由飛」，但是…。

一句「請你保重」，一句「心愛再會啦」，我要「為愛活落去」，我要「堅強」，從此以後「甭講傷心話」，給這條「失戀的探戈」變作「多情的城市」中最後的「愛情探戈」。