村夫阿土的部落格

「離別的機場」

為著「避雨」，煞來雄雄行入摻著「白色的愛」的「戀港」，彼個『戀の空港』。無意中，一種「留戀無希望」的感覺，漸漸浮上心頭，是心酸，似「心碎」。

是「歌聲心影」也好，是「心碎的夢」也罷，總講一句，就是彼種「有情花無情水」的創治，害阮心茫茫，害阮「心落雪」。

對一個「出外的囝仔」來講，「成功不是靠運氣」，對一個「愛你情難斷」的我來講，這條「斷情線」是一種「選擇」，是「無緣路」，是「無價值的愛」？

「無名花」甘就是你的名？我真正「想抹曉」，為何「無情的十字路燈」下的「約會治明載」，竟然是咱「最後的相逢」？為何不是「相逢有樂町」？

「你問我愛啥」，我搁會凍講什麼？「愛你這深」是阮願意，阮「艱苦講乎誰人聽」？只有流著「傷心淚」，只有「搥心肝」，甘講就要「真心換絕情」。

講要「一生陪伴你」，煞來變作「單相思」，對你的「思情」煞愛變作「當作不曾愛過你」。甘講是幸福是不幸，真是環境來造成。

在「台北追想曲」中「想你」，因為「你是阮無後悔愛的人」；在「失眠的晚暝」中，才知原來「失眠的暝真長」；在「委曲的愛」後，才想到「真愛誰人知」。

請你「不免驚我愛別人」，因為阮「放抹落彼個人」就是你，看到那只「無緣的手只」就「後悔」，因為「對你放祙離」。

   問一聲「你過了好否」？講一句「請君保重」，誰講「我不是你的人」？但願在「正確的路」上，搁拄著你，深深「期待再相逢」。